Min birrasis leat máŋgga lágan bárut ja suonjardeamit, nu mo jietna, čuovga, liekkas, radiobárut ja čáhci mii stuhčá. Mii eat oainne mobiilaneahta dahje røntgensuotnjariid, muhto buot báruin lea oktasaš iešvuohtan ahte fievrridit energiija. Mo sáhttit mii jierpmálaččat ávkinatnit dán energiija?

Jođaskeahtes kommunikašuvdna lea midjiide hui diehttelas. Eat soaitte nu dávjá reflekteret mo lea vejolaš hupmat ja juogadit govaid duohtaáiggis muhtimiin gii lea máŋggaid miillaid eret, ja mo lea vejolaš rahpat biilauvssa ovdal go ollet biilla lusa. Dás geahččat mo radiobárut dahket dan vejolažžan.