Bargobihttá

Gávnna mobiilasáddejeddjiid

Gávnna mobiilasáddejeddjiid iežat lahkosis, ja guorahala daid iešvuođaid.

Bargobihttá 1. Oza mobiilasáddejeddjiid

Mannet olggos ohcat mobiilasáddejeddjiid. Go gávdnabehtet sáddejeaddji, merkebehtet saji kártii.
Govvebehtet sáddejeddjiid. Geahččalehpet gávnnahit makkár oasit sáddejeaddjis leat. Ovdamearkka dihte makkár sáddejeaddji dat lea: Lea go hálteanteanna (direkšunealla anteanna) vai birrasuonjardeaddji anteanna (omnidirekšunealla anteanna)?
Válddahehpet saji gos sáddejeaddji lea. Lea go dat ovdamearkka dihte mástta gierragis dahje vistti alde?

Bija cuiggona seamma sadjái kárttas go okta dain mobiilasáddejeddjiin máid gávnnaidet bargobihttá 1:s. Mihtit dađistaga guhkelis eret sáddejeaddjis. Máid gávnnahehpet?
Geavat vuođđun dan báikki gos leat juste dál. Galla bárrogierraga leat du mobiilla ja a)-bihttá sáddejeaddji gaskkas jus sáddejuvvo suonjardeapmi mas frekveansa lea 800 MHz?

Suonjardeami bárroguhkkodaga rehkenasttát čuovvovaš oktavuođa bokte:

$b á r r o g u h k k o d a t (λ) = \frac{č u o v g a l e a k t u (c)}{f r e k v e a n s a (f)}$

Čuovgaleaktu lea $300 000 \frac{k m}{s}$ .

Manne geavahuvvojit iešguđet frekveanssat fievrridit signálaid?
Govahala ahte sáddet dieđu alccesat dahje muhtimii gii lea seamma sajis go don. Mo johtá mobiilasignála? Čájet kárttas ja čilge.
Govahala ahte sáddet dieđu ustibii gii lea guhkkin eret. Ráhkat kártta mii čájeha mo signála fievrriduvvo du telefovnnas gitta du ustibii. Manne signála ii sáhte dušše njuolga mannat du telefovnnas vuostáiváldi telefovdnii?

Geavat mobiilagokčokárttaid maid leat ráhkadan sii geat fállet mobiilaneahta Norggas:

Gávnna báikki gos lea heajos gokču dahje ii oba ge gokču.
1. Geavat topográfalaš kártta (ovdamearkka dihte norgeskart.no) ja árvvoštala mii sáhttá leat sivvan go lea heajos gokču dan báikkis.
2. Manne sáhttá leat heajos gokču vaikko leat sáddejeaddjit olámuttus?
3. Mo sáhtášii oažžut buoret govčča dán báikái?
Manne mis ii leat 100 proseantta gokču Norggas?
Gávnna ákkaid manne ii leat sávahahtti ahte lea 100 proseantta gokču Norggas.
Mii mobiilaneahtta sorttaid lea dábáleamos Norggas?
Kommentere 5G-neahta lávdama odne Norggas. Gávnnat mo leat 5G-neahta plánen hukset viidásit.
Govahala ahte orut guovllus gosa galgá huksejuvvot 5G-sáddejeaddji. Du ránnját ballet ahte sáddejeaddji suonjardeapmi boahtá leat vahágiin dearvvašvuhtii. Geavat dan maid dieđát elektromagnehtalaš suonjardeami birra, ja oaččo sin jáhkkit ahte sii eai dárbbaš jierásmuvvat.