Min birrasis leat máŋgga lágan bárut ja suonjardeamit, nu mo jietna, čuovga, liekkas, radiobárut ja čáhci mii stuhčá. Mii eat oainne mobiilaneahta dahje røntgensuotnjariid, muhto buot báruin lea oktasaš iešvuohtan ahte fievrridit energiija. Mo sáhttit mii jierpmálaččat ávkinatnit dán energiija?

Dán fáttás mii suokkardit ja válddahit muhtin guovddáš bárrofenomenaid. Mii maiddái geahččalit gávnnahit manne mii muhtomin gohčodit čuovgga bárrun ja eará háviid suonjardeapmin. Dasa lassin jearrat: Mii lea suonjardeapmi?