Njuike sisdollui
Fágaartihkal

Gïeleldh vierhkie-vierhtieh portrehtesne

Dov ulmie lea hijven portrehtem darjodh. Guktie edtjh dam buektiehtidh?
Baernie tjaelieminie mearan mobijlesne vuartesjeminie. Guvvie.
Govva: NTB scanpix / CC BY-NC 4.0

Guktie edtjh tjaeledh?

Portrehte-gihtjehtimmesne maaje njieljie bielieh:

  1. tjaelieh gihtjelgæjjan vaestiedassh teeksten sïjse

  2. tjaelieh gihtjelgæjjan vaestiedassh goh soptsese

  3. buerkiestimmieh gihtjelgæjjeste

  4. dov gyhtjelassh

Guktie edtjem aelkedh?

Jeenjesh numhtie aelkieh:

  1. byjresem jïh gihtjelgæjjam buerkiestieh

  2. sitaatem gihtjelgæjjeste nuhtjieh

Byjresem jïh gihtjelgæjjam buerkiestieh

1. vuesiehtimmie

Ailin Maria Danielsen lea reakadamme 30.10.1997, jïh Elgåeste Hedmarkesne båata. Dïhte vikarijatem skïemtje-såjhterinie Romsesne åadtjoeji mænngan lohkemem galhkeme dæjmetje gïjren. Göökte biejjieh mænngan gyhtjelassem åadtjoeji sov aajkoehkistie, mij NRK saepmesne barka. Dah naakenem daarpesjin dejtie åarjel-saemien radijove-saadtegidie. Dïhte gujht ussjedi «man åvteste ij» jïh ohtsemem sïjse seedti. Dïhte barkoem åadtjoeji jïh joekoen hijvenlaakan tråjjede.

2. vuesiehtimmie:

Lene Cecilia Sparrok lea reakadamme 06.10.1997, jïh byjjenamme jïh årroeminie Laakesvuemesne Trööndelagesne. Dïhte åejvie-råållam goh «Elle Marja» spïelefimesne Saemien vïrre (Sameblod) åadtjoeji. Dan åvteste aaj åasam vitni goh bööremes nyjsenen dorjehtæjja festivalesne Tokyo International Film Festival. Gåetesne lea båatsoe-lïerehtæjja Voengelh-Njaarken Båatsoe-sïjtesne.

Guktie datne maahath sitaath nuhtjedh

1. vuesiehtimmie

Faahketji premijeerh, rööpses guelpie-jievegh jïh autograafe-tjaelemem soejkesjisnie utni. Men ij sïjhth mietedh satne naan filme-naestie.
– Naakenh leah jeahteme «daelie datne kjendise sjïdteme», men im manne numhtie damth goh. Annje leam ajve Lene Cecilia. (Orre naestie)

2. vuesiehtimmie

- Datne dagke artiste? Dagke buerebh lih sïjhteme pop-naestine jallh plearoeh årrodh?

Ailin föörhkede.

- Ijje maa, dam gujht jïejkem. Im maehtieh laavlodh!
Daelie maaje hohke maana-TV-gaagkoe Binnabánnáš åarjel-saemien gïelesne lååvle, jïh manne leam dïhte gïele desnie, men dïhte gaajhke. Men manne sosijaale, geerjene jïh eahtsam almetjigujmie barkedh. Numhtie sån manne daan barkose sjïehtem. Im bïllh uvtemes årrodh. ( Saerniehoksehtæjja Ailin)