Dát bargobihtát biebmoávdnasiid birra gáibidit ahte gieđahalat fágasisdoalu seammás go vástidat.
Karbohydráhtat
- Čále reakšuvdnaovttamađodaga mii čájeha mo glukosa ávdnejuvvo.
- Čilge mo glukosamolekyla ja fruktosamolekyla sáhttet oktii mannat ja ávdnet sukrosa.
- Studere polysakkariiddaid gova. Čilge mii dain lea erohus.
- Máhtát go čilget manne ovdal gohčodedje glykogena elliidstearkalassan?
- Manne berret borrat borramuša mas ollu sellulosasárastagat leat, go eat nagot suolbmudit dahje mollet daid?
Proteiinnat
- Mii vuođđoávdnasiid gávdno proteiinnain, muhto ii karbohydráhtain ii ge buoiddis?
- Sáhtát go árvvoštallat manne lea dábálaš duldestahttit (forvelle) ruotnasiid ovdalgo galmmiha daid? (Forvellet mearkkaša borramušgálvvu jođánit duldestahttit.)
- Sárggo guokte aminosuvrri mat reagerejit ja ávdnejit peptiidačanastaga.
Buoidi
- Sárggo buoidemolekyla. Mii mearrida lea go buoidemolekyla gallehuvvon dahje gallekeahtes?
- Manne ferte borramušas maid borrat leat buoidi?
Buot biebmoávdnasat
- Ráhkat beaivefálu iđitborramuša rájes gitta eahkedisborramuššii mii sisttisdoallá buot biebmoávdnasiid maid gorut dárbbaha.
- Ráhkat beaivefálu iđitborramuša rájes gitta eahkedisborramuššii mii sisttisdoallá buot vitamiinnaid ja minerálaid maid gorut dárbbaha.
- Ráhkat beaivefálu mas boahtá ovdan maid don lávet borrat.
- Buohtastahtte dan golmma beaivefálu, ja gávnnat gokčá go du dábálaš biebmodoallu dárbbuid mat dus leat biebmoávdnasiidda, vitamiinnaide, minerálaide ja binnánašávdnasiidda.
Beaivefállu mii sisttisdoallá buot dárbbašlaš biebmoávdnasiid | Beaivefállu mii sisttisdoallá buot dárbbašlaš mineraláid ja vitamiinnaid | Du dábálaš beaivefállu | |
|---|---|---|---|
Iđitborramuš | |||
Lunša | |||
Gaskabeaivvit | |||
Eahkesborramuš | |||
Eará (maid gaskkas borat/hersko) |
CC BY-SADán lea/leat čállán Øyvind Bønes. Vuoigatvuođaguoddit: Bjørg E. B. Aurebekk ja NKI Forlaget
Maŋemusat ođastuvvon 12/17/2020