Komposisjovne
Tjaelije soptsesem tseegkie. Soptsese aalkoem, åejvie-boelhkem jïh galhkuvem åtna. Mij akt heannede jïh tjaelije almetjh mijjese åehpiedahta. Tjaelije byjresem buerkeste jïh kaanne dialååge-hammojne tjaala. Gaajhkh daah leah komposisjovne guktie soptsesem soptsesti.
Govva: Aajege / CC BY-NC-SA
Guktie tjaalegem tseegkeme
Komposisjovne lea guktie tjaalege lea ektesne bïejeme jallh tseegkeme. Gosse mijjieh epihken tjaalegen komposisjovnem goerehtibie, dellie mijjieh jiehtebe maam akt dan bïjre guktie tjaelije heannadimmiem tseegkie. Dan nuelesne naan gyhtjelassh mah viehkine åtnah gosse sïjhth komposisjovnem goerehtidh:
- Guktie tjaalege aalka?
- Maam tjaelije referaatine soptseste?
- Maam tjaelije scenigujmie soptseste?
- Gååvnese maam akt tjaalegisnie mij åvtese tjuvtjiedidh?
- Gååvnese maam akt mij tjaalegisnie bååstide tjuvtjiedidh?
- Guktie tjaalegen galhkuve?
CC BY-SADán lea/leat čállán Helen Blind Brandsfjell.
Maŋemusat ođastuvvon 03/20/2018