Tjiehpies-lidteratuvren tjaalegh maam akt soptsestieh ov-ryöktesth saetniesvoeten bïjre. Gosse lohkije maam akt låhka mij hæhtadamme, dellie dïhte maahta maam akt lïeredh veartenen bïjre gusnie dïhte jïjtje jeala. Mijjieh maehtebe tjiehpies-lidteratuvrem golme åejvie-sjangeridie juekedh: lyrihke, epihke jïh draama/dramatihke. Epihke soptsesh leah novellah jïh soptsesh.
Soptsesh leah vihkeles gaajhkine kultuvrine. Dah histovrijem guedtieh, jïh kultuvren åålmegi jïjtse-domtoem jïh jïjtse-goerkesem jååhkesjieh jïh orrestieh. Mijjen jielemh leah goh soptsese, mij aalka, jåarhka jïh orreje. Mijjieh almetjh goerkesem jïh ektiedimmiem jieliemisnie ohtsedibie. Soptsesh mijjese vierhtieh jïh ektiedimmieh vedtieh, mej mietie mijjieh maehtebe mijjen jieliemidie öörnedh.