Fágaartihkal
Imperatijve
Imperatijve hammoem nuhtjebe gosse stillebe giem jallh gïeh maam akt darjodh. Golme imperatijve verbe-hammoeh gååvnesieh; akten-taale, guektien-taale jïh gellien-taale. Daennie sæjrosne datne dej imperatijve verbe-hammoej bïjre lïerh.
Govva: Marit M. Fjellheim / CC BY-NC-ND 4.0
Gosse mijjieh gïem jallh gïeh stillebe maam akt darjodh, dellie verbe imperatijve modusisnie.
Vuesiehtimmie:
- Båetieh diekie!
Moduse: Imperatijve
Taale: Singularise (akten-taale); Aktem stilledh
Seamma raajese guektien-taalesne jïh gellien-taalesne:
Dualise (guektien-taale): Båeteden diekie! (Gööktesh stilledh)
Pluralise (gellien-taale): Båetede diekie! (Gallesh stilledh)