Oppgave
Hárjehallanbarggut - proteiidnasyntesa
Jus dáid bihtáid galggat nagodit čoavdit, de fertet gieđahallat fáttá ja soaittát šaddat liige dieđuid ohcat.
Govva: Nicolle Rager / Offentlig eie
Ráhkat listtu buot elemeanttaid badjel (organeallat, erenoamáš molekylat ja struktuvrrat) mat leat oassin proseassas ráhkadit gárvves proteiinna.
Jus dus lea proteiidna mii sisttisdoallá 600 aminosuvrri:
- Galle kodona (tripleahta) dárbbahuvvojit ráhkadan dihte dan proteiinna?
Galle nitrogenabasa leat genas mii lea dien proteiinna koda?
Govvit proteiidnasyntesa:
- Sárggo tevnnega.
- Čilge njálmmálaččat mii proteiidnasyntesas dáhpáhuvvá, juogo alccet dahje muhtin earái.
- Čále mii proteiidnasyntesas dáhpáhuvvá cehkiid mielde.
Go leat geargan, sáhtát geardduhit proteiidnasyntesa jus leaččat vajáldahtten maidege.