Geahččaladdan: Skálžžut ja áhpesuvrudeapmi

Guorahala mo čázi suvrodatmearri váikkuha skálžžuide ja monnegarrii.

1. Nummarastte lásiid, skálžžuid ja monnegaraid nummariiguin 1 gitta 3. Jus lea váttis tuššain čállit monnegaraide ja skálžžuide, de sáhtát nummarastit daid dan bokte go ráhkadehpet čuoggáid gazzavuoidasin.
2. Bija skálžžuid ja monnegaraid lásiide main lea seamma nummar go skálžžus/garas.
3. Lasit 200 millilihttara čázi lásiide 1 ja 2. Várut ahte čáhci gokčá skálžžuid ja monnegaraid.
4. Lasit 200 millilihttara edega goalmmát lásii. Várut ahte edet gokčá skálžžu ja monnegara.
5. Lasit 10 goaikkanasa BTB guđege lásii.
6. Geavat njammanbohcci, ja boso láse nr. 2:ii čáhcái 2 minuhta.
7. Bonja gitta lohkiid lásiide.
8. Divtte iskosiid orrut máŋga beaivve.

Dáhtaid registreren - vihkke skálžžuid ja monnegaraid

• Vihkke skálžžuid ja monnegaraid juohke beaivve jus lea vejolaš.
• Váldde bajás skálžžuid ja monnegaraid ja goikat daid báhpiriin ovdal go vihkket. Fuom! Čuovo mielde guđe lásii guhtege skálžu ja monnegarra gullá.
• Bija skálžžuid ja monnegaraid ruovttoluotta lásiide main dat bohte.
• Bonja gitta lohkiid lásiide.

• Válddat mo skálžžut ja monnegarat leat olggosoaidnit ovdal go álggahat geahččaladdama. Govve.
• Registrere tabellii skálžžuid ja monnegaraid mássa guđege láses:

• Válddat mo skálžžut ja monnegarat leat olggosoaidnit maŋŋil go lehpet loahpahan geahččaladdama. Govve.

• Válddat máid lehpet gávnnahan, ja vejolaš minsttariid maid lehpet áican.

• Mo doaivubehtet lassi áhpesuvrudeami váikkuhit mearraorganismmaide mat leat sorjavaččat kálkagaras? Geavahehpet geahččaladdama bohtosiid čilget mo jurddašehpet.

Dát siidu lea heivehuvvon almmuhus Concord.org siiddus