Sárggo ja čilge eukaryota seallaid
Go sárggut, de bággehalat guorahallat sealla dárkilit. Deháleamos dán barggus ii leat ahte sárgun galgá šaddat nu čáppat, muhto nu čielggas go vejolaš. Danne lea dehálaš jurddahit man ollu dieđuid dárbbahat gaskkustit daid iešguđet organeallaid ja seallastruktuvrraid buoremus lági mielde.
Mo sáhtát govvidit eukaryota sealla huksehusa ja struktuvrra álkes ja čielga vugiin, nu ahte du mieloahppit ohppet juoidá du tevdnegis?
Barget ovttas guovttis ja guovttis
Sárgu goabbáge sealla - nubbi sárgu eallesealla ja nubbi ges šaddosealla.
Lonut tevdnega iežat mielohppiin ja bija nama daidda iešguđet seallastruktuvrraide ja organeallaide mat lea govvosis maid son lea sárgon.
Čilge mo sealla lea huksejuvvon, tevdnega vehkiin masa namahusaid leat bidjan. Doallá go du nammadeapmi ja čilgehus deaivása du mieloahppi áigumušain?
Bargi ovttas ja čilgejeahkki daid iešguđetge seallaosiid rollaid, ja čilgejeahkki mo dat doibmet.
Mii lea ealleseallaide ja šaddoseallaide mihtilmas?
Fuomáš!
Heŋge áinnas seallagovaid klássalatnjii go geargabehtet. Soaitibehtet sáhttit ráhkadit plakáhta mii sihke čiŋaha lanja ja sáhttá adnot geardduheapmái?
Guoskevaš sisdoallu
Planter, dyr og sopp er, sammen med noen flere organismer, bygd opp av eukaryote celler og har dermed mange fellestrekk i oppbygning og indre struktur.