Ekovuogádagaid ja šlájaid girjáivuohta
Ekovuogádagaid girjáivuohta
Odne leat golmmalágán váikkuhusa mat erenoamážit rievdadit luonddubirrasa ja nu maiddái biologalaš girjáivuođa Norggas: areálagáržžideamit, suvrra njuoskkádat ja amas šlájaid sisafievrrideapmi. Lea unnán ávki ráfáiduhttit šlájaid jus luonddutiipa masa šládja lea sorjavaš, jávká. Odne mis leat eanadatsuodjalanguovllut, luonddureserváhtat ja álbmotmeahcit mat ráddjejit báikkálaš, muosehuhtti sisabahkkema.
Eará hástalus lea ahte eallinbirrasat juohkásit sierra osiide geainnuid ja huksemiid geažil, ja nu hehttejit johtingeainnuid, ja smávva populašuvnnat sirrejuvvojit nu ahte lea várra siskkaldas nállašuhttimii.
Šládjagirjáivuohta
Biologalaš girjáivuođa konvenšuvdna (Rio - konvenšuvdna) lea vuosttaš máilmmiviidosaš šiehtadus suodjaleami ja guoddevaš geavahusa birra buot biologalaš ressurssaid ektui. Šiehtadussii lea čállon ahte oasálaččat galget jávkadit ja hehttet amas šlájáid sisafievrrideami, kártet biologalaš girjáivuođa, gozihit doaimmaid mat áitet ja johtui bidjat doaimmaid gáhttet, rehabiliteret ja guoddevaččat geavahit biologalaš resurssaid.
Jagis 2021 árvvoštalai Artsdatabanken 23 405 norgga šlája. Dáid šlájaid gaskkas ledje 4 957 mat devde eavttuid gullat rukseslistui, mii lea bajilgovva mii čájeha man stuora riska šlájain lea jávkat. 288 dáin navdojuvvojeddje leat kritihkalaččat áitojuvvon, earret eará láttocuoppu, jievjaskuolfi, gahpirbáiski ja gumpe.
Beroštupmeriidu
Eiseváldit bidjet johtui iešguđetlágan doaimmaid suddjen dihte biologalaš girjáivuođa. Dát mielddisbuktá vissis hehttehusaid ealáhusdoaimmaheamis, resursageavheamis ja persovnnalaš doaibmamis. Loga eanet iešguđetlágan beroštupmeriidduid birra resurssain guoskevaš sisdoalus.