Imperatijve
Imperatijven bïjre
Gosse giem jallh gïeh stilledh maam darjodh dellie verbi imperatijve-hammoeh nuhtjebe, v.g.
Imperatijve
båetieh (datne)
båeteden (dåtnoeh)
båetede (dijjieh)
Guktie stilledh
Gosse edtjebe gïem (aktem) stilledh maam darjodh, dellie verben akten-taalen imperatijvem nuhtjebe.
Båetieh diekie.
båetieh – akten-taalen imperatijve
Gosse edtjebe gööktesh stilledh maam akt darjodh, dellie verben göökten-taalen imperatijvem nuhtjebe.
Båeteden diekie.
båeteden – göökten-taalen imperatijve
Gosse edtjebe gallesh stilledh maam akt darjodh, dellie verben gellien-taalen imperatijvem nuhtjebe.
Båetede diekie.
båetede – gellien-taalen imperatijve
1. laavenjasse
Tjaelieh verbi imperatijve-hammojde, v.g.
goltelh (akte) → goltelidien (gööktesh) → goltelidie (gallesh)
2. laavenjasse
Jarkelh raajesidie imperatijve-raajesidie, v.g.
Datne båatah? → Båetieh.
Vïhtesjh!
Gosse imperatijve-raajese dellie verbe raajesen njueniehkasse jåhta.
3. laavenjasse
Jarkelh raajesidie imperatijve-raajesidie.
Datne varki vaadtsah.
Dijjieh maanide beltede.
Datne guesside buarastahtah.
Dåtnoeh gåatan tjaangeden.
Datne daan stovlese tjihkedh.
Dåtnoeh aereds-beapmoem byöpmedidien.
Datne skoerhtjese måaroem vadtah.
Dellie sjeavohth årroeh.
4. laavenjasse
Tjaelieh imperatijve-raajesh 1–6. Nuhtjh daejtie verbide.
vaedtsedh
bïejedh
baajedh
byöpmedidh
tjihkedidh
viehkiehtidh
5. laavenjasse
Tjaelieh daejtie imperatijve-raajesidie 1–6 dovne akten-, göökten- jïh gellien-taalide.
6. laavenjasse
Guktie saemien-gïelesne imperatijvem nuhtjedh? Buerkesth.