Dan guhkiem

Dan guhkiem

Dan guhkiem mijjen lea tjaetsie, gusnie guelie voejedalla

Dan guhkiem mijjen lea dajvh, gusnie bovtse gååte

Dan guhkiem mijjen leah boelth, gusnie vijrh tjiekedieh

Dellie mijjen jearsoevoete eatnamisnie

Gosse mijjen årromesijjieh eah vielie gååvnesieh jïh eatneme

bitnehtamme

– gusnie edtjiejibie die veasodh

Mijjen eatneme, mijjen jieliemasse leah gaartjanamme

jaevrieh leah dolveme

jeanoeh leah njååreme

johketjh vaejviemïelesne laavloeh

Miehtjies guevtelh tjååhpedieh jïh kraesieh buelnieh

ladtetjh sjaavehguvvieh jïh baatarieh

Gaajhke bueriem maam mijjieh libie åådtjeme

ij lea vielie vaajmoelissine

Dïhte mij edtji mijjese buerine sjïdtedh

mearhkan sïjse haavjoeji

Gïerkeske baalkah mijjen juelkide baektjiedieh

Mijjen almetji raeffiesvoete

vaajmoste tjyöre

Daej juhteles aejkiej

mijjen vïrre tjaatsalgåvva

mijjen gïele ij vielie govlh

ij tjaetsie sjovvh

(Paulus Utsi)