ČSV, gieries
Dïejvese ČSV båata dejstie noerhte-saemien baakojste Čájet Sámi Vuoiŋŋa mij sæjhta jiehtedh vuesehth saemien voejngem, jallh Čielga Sámi Vuoibmi mij sæjhta jiehtedh tjïelke saemien faamoe. D gaavnesjidh. Datne tjoerh mïelide daejredh daejtie jïh jeatjah ČSV-dïejvesidie jis edtjh aktem ČSV-erem gaavnesjidh.
Česserh, jallh ČSV-erh eah leah almetjh mah laanten sïjse båateme jallh faahketji mijjen daajbaaletje saemien seabradahkesne jaavhkeme, vaallah akte orre high tech-otnjege gænnah. ČSV-erh leah saemieh mah evteben stoerretjuetie-jaepien mænngan leah gymhpeme juktie saemien kultuvrem, jielemh, gïelem jïh jeatjebem vaarjelidh mij saemienvoetem gorrede jïh saemiej jieledem buerede. Daelie vååjnoe goh noere saemieh tuhtjieh vihkeles ČSV-erinie årrodh, dan åvteste ahkedh jienebh eah vielie maehtieh jååhkesjidh mijjen kolonije-staath annje mijjen jieledh gaertjiedieh.
Datne aelhkieslaakan aktem ČSV-erem vuajnah, govlh jïh damtijh. Guhkeles-maajeste dam vuajnah sov klaeriedihks gaptine saemie-politihkeles jïh kultuvrelle tjåanghkojne. Jis akte nïejte jallh baernie lea ČSV-ere jïh datne edtjh dejnie årrodh, dellie maahta akte haesteme årrodh jis ih jïjtje leah ČSV-ere. Jis györeme akten ČSV-erasse, dellie maahtam raeriestidh guktie datne maahtah ČSV-eren stööremes gieriesvoete årrodh. Maahta akte haesteme årrodh dov ČSV-iehtselasse jis datne leah lïhtseginie såemies krirresne goh FrP jallh Sverige-demokraterna, jallh datne gruvaj åvteste gæmhpoeh. Jis sïjhth jïjtjemdh gaavnedæmman feegredh, dellie ih byörh jïjtjemdh feegredh såevmien turiste-tjohpine jallh kiwi-gaptine, jallh Banana Airlines-laavlomh laavlodh, jïh ij leah væjsehke jiehtedh almetjh fer jïjnje saemie sjïdteme.
Jis datne dam darjoeh, dellie im maehtieh datnem naan mïelehkem jallh ČSV-erem dåajvoehtidh. Manne datnem haastam ånnetji saemie-politihkem lohkedh jïh meatan fulkedh saemien seabradahke-aamhtesinie. Dan åvteste ČSV-erh iktesth soptsestieh mij ČSV lea, saemie-politihken bïjre jïh man åvteste mijjieh edtjebe dam pryöjjadidh. Gosse datne dov mïelehkinie ektine, dellie sïjhtede gujht lïegkedidh jïh ektesne murriedidh, jïh akte ČSV-ere bööremes lïegkede gosse mïelehke lea altese mïelem guarkeme. Daejrehth datne altese mïelem guarkeme, jïh datne leah sïemes dejnie, seedth dagke gyhtjelassem akten saemien-seabran mejtie åadtjoeh lïhtseginie sjïdtedh juktie dam madtjeldehtedh. Gosse dïhte madtjeles maehtede gïengelåbpoe dan saemien bïjre soptsestidh, mah saemien nommh dijjen maanah edtjieh utnedh, ektesne joejkestidh jïh soejkesjidh mah såarhts gaptah dijjieh edtjede utnedh mubpene saemiefeestesne, dan åvteste dijjen gaptah edtjieh seamma klaeresne årrodh.
Gosse datne gaavnedh dov mïelehken eejhtegh voestes aejkien dah gihtjieh mennie saemien-siebresne datne lïhtseginie, mejtie dov leah bovtsh, mejtie provhkh joejkestidh, mejtie ČSV-slïekteste båatah jïh jeatjah gyhtjelassh mah soptsestidh man gellie ČSV-poengh dov. Dah maehtieh aaj ryöknedh man gellie nöörjen baakoeh jallh grammatihken fiejlieh datne nöörh jiehtedh mearan dah kööksieh guktie datne måaram sohpeminie. Mïelehkinie årrodh akten ČSV-erasse ij sïjhth jiehtedh datne tjoerh Aili Keskitalom iehtsedh jallh gaptine vaedtsedh fïerhten biejjien. Daate sæjhta jiehtedh dov akte mïelehke mij lea madtjeles jïjtsinie, jïh aaj sæjhta mubpieh edtjieh dam njaelkies domtesem utnedh, frijje årrodh. Dïhte dov tjelmieh rïhpeste jïh datne åadtjoeh vuejnedh saemien jielede aaj akte hijven jielede. ČSV is the new sexy.