4. Tjo Hajk!

1. Goltelh, orresth jïh lïerh

2. Lohkh jïh lïerh

Jis bïenje edtja tjihkedidh, stillh bïenjem: "Tjihkedh!"

Jis bïenje edtja göörjedh, stillh bïenjem: "Göörjh!"

Jis bïenje edtja huhtedh, stillh bïenjem: "Huhtieh!"

Jis bïenje edtja sjeavehth årrodh, jiehtieh: "Sjeavehth!"

Jis bïenje edtja båetedh, gohtjedh bïenjem: "Tjo!" jallh "Båetieh!"

Jis bïenje edtja dov minngesne båetedh, stïllh bïenjem: "Minngesne!"

Jis bïenje edtja maam akt veedtjedh, stillh bïenjem: "Veedtjh!"

Jis bïenje edtja vuertedh, stillh bïenjem: "Vuertieh!"

3. Goltelh, orresth jïh lohkh

Jis kraannan bïenje dov gåatan båata, nihtieh dam sov gåatan vihth: «Aessh gåatan!»

Stillh bïenjem: «Feerh gåatan!» gosse ij bïenje edtjh datnem dåeriedidh, men gåatan baetsedh.

Ij edtjh bïenje guessien vööste. Jis bïenje nemhtie dorje, nihtieh bïenjem: «Aesseh!»

Jiehtieh: «Aessh dohka!» jis bïenje dov gåajkoe båata mearan datne buertie-bealesne byöpmedeminie.

Jis bïenje aktene sijjesne gusnie ij åadtjoeh årrodh, stillh bïenjem: «Feerh destie!»

Jis bïenje maam joem dorje maam ij åadtjoeh, nihtieh dellie «Aellieh!»

Gosse bïenje edtja dov minngesne vaedtsedh, stillh dam «Minngesne!»

Gosse bïenje edtja minngiehkistie baejhtedh, hutskh dam: «Aessh minngesne!» Jïh gosse edtja raedtiem stuvrehtidh, hutskh bïenjem: «Raedtiem!»

Men voestegh, jïh kaanne vihkielommes, gohtjedh bïenjem: «Tjo!» Jallh gosse skoedtjem gohtjh: «Tjo, tjo! Tjo, tjo, tjo!»

4. Vaestedh gyhtjelasside

5. Giesieh baakojde

6. Goltelh jïh laavloeh

7. Goltelh, lohkh jïh vaestedh

Lohkh tekstem

Bæjjese vaaran
Tjoejken golh vualkam
Åå nåå jåå åå nåå jåå
Gïehtjh guktie tjoejkem

Bïenje jis guatsa
Mannem hov geasa
Åå nåå jåå åå nåå jåå
Eadtjohke geasa

Våålese vaeriem
Spaajhte badth jåhta
Åå nåå jåå åå nåå jåå
Aellieh, die gahtjem!
Tjo, tjo, tjo!

Tekste jïh melodije: Maria S. Kråik Stenfjell

Vaestedh

1. Gïeh tekstesne?

2. Gubpene dah?

3. Maam darjoeminie?

4. Guktie gåarede?

8. Goltelh jïh lohkh

Sööfen bïenjen nomme Hajk. Jöödtedh guktie hajka, dohkh diekie, bïjre jarkan! Hajk lea joekoen gïemhpe, men gaajh neahkoeh. Gellien aejkien tjuara bïenjem nihtedh «Aesseh!» Hajk pråvhka såffese göörjedh jalhts ij åadtjoeh. Sööfe bïenjem næhta «Aellieh!» Men ij Hajk såffeste feerh.

Fïerhten biejjien Sööfe sov bïenjem gohtjede: «Tjo! Tjo Hajk!» men Hajk ij båetieh. Gosse stillie: «Vuertieh!» dellie bïenje jis Sööfen gåajkoe båata. Gosse Sööfe bïenjem stillie sjeavehth årrodh, dellie bïenje håhta. Men jis bïenjem stillie «Huhtieh!» dellie eevre sjeavehth sjædta.

Naan aejkien Hajk kraannan gåajkoe vualka. Dïhte kraanna pryövoe dam neahkoeh bïenjem stilledh gåatan feeredh: «Aessh gåatan!» men ij kraannan luvhtie feerh. Kraanna Sööfese ringkie, jeahta tjuara skodtedh dam sov bïenjem veedtjedh, jïh Sööfe ojhte skådta Hajkem veedtjie.

Hajk lea Sööfen bööremes voelpe, jalhts ij Sööfem goltelh. Ovva ligen, man gïerve luvregs bïenjem buektiehtidh.

9. Diedtieh rïektes vaestiedasside

10. Vaestedh

1. Maam Hajk dorje gosse Sööfe sæjhta bïenje edtja sov gåajkoe båetedh?

2. Maam Hajk dorje gosse Sööfe bïenjem stillie vuertedh?

3. Maam dorje gosse Sööfe Hajkem stillie huhtedh?

4. Maam kraanna Hajkese jeahta gosse ij sïjhth bïenje edtja sov luvnie årrodh?

11. Ussjedh jïh vaestedh

Dov naan raerieh Sööfese guktie edtja luvregs bïenjem buektiehtidh?