Hopp til innhold
Bokmål

Fag

Oppgave
Lyd
Interaktivt innhold

2. Vïenesvoete

Vïenesvoete vihkele almetjidie. Voelph jïh åahpetjh maehtieh aavoem jïh gieriesvoetem sinsætnan vedtedh. Mij lea vïenesvoete dutnjien?
Ålkone govhte noerh mujjehten faarhmestalleminie. Golme nyjsenæjjah jïh golme ålmah. Guvvie.

Daelie lïerh

  • teksth guarkedh jïh dej bïjre soptsestidh

  • baakoeh vïenesvoeten bïjre

  • vïenesvoeten bïjre ussjedalledh jïh soptsestidh

1. Goltelh, orresth jïh vaestedh

Hinte akten voelpese soptseste guktie lea sutnjien fïerhten biejjien skuvlesne.

Håjnoes baernie kruana tråajjine gåårveldihkie. Guvvie.

Hinte sov voelpine soptsestalleminie

0:00
-0:00
Lyd: Sindre Flø Hunnes, Maria S. Kråik Stenfjell / CC BY-SA 4.0

Vaestedh

  1. Giejnie Hinte soptseste?

  2. Gïeh Hinte aassjoste?

  3. Guktie Hintine fïerhten biejjien gosse skuvleste gåatan båata?

  4. Man åvteste Hinten bïenje ij bïllelh gan?

  5. Hinte håjnan daelie aaj, man åvteste?

  6. Gïeh sijhtieh væjkele årrodh?

  7. Maam Hinte Birjen jïh Åvlan bïjre soptseste?

Baakoeh

pleekedh VI
å plage
assjoestidh
å hate
måeresne
sint
dan vaane dejnie
så vant med det
bïllelidh
å bli redd
gan (gænnah)
engang, heller
håjnan
trist, mismodig
væjkele
flink
rovnege
rar, pussig
vestie
slem, stygg
sluekies
slu

2. Darjoeh laavenjasside

3. Ussjedh jïh vaestedh

Maam voelpe maahta darjodh juktie Hintem viehkiehtidh?

4. Ussjedallh jïh soptsesth

Mij lea voelpe?

  1. Guktie buerie voelpe? Buerkesth almetjem mij buerie voelpine.

  2. Hijven buerie voelpem utnedh. Maam darjoeh gosse buerie voelpine ektine?

  3. Jis gïese nåake jallh geerve domtoe, maam buerie voelpe dellie dorje?

Viehkie

Daah adjektijvh jïh verbh maahtah viehkine nuhtjedh:

Adjektijvh

buerie (attr./pred.)
god, bra
earoeladtje (attr./pred.)
ærlig
gieltegs (attr.), gieltege (pred.)
spennende
gieries (attr.), gearehke (pred.)
kjær, elskelig
gïemhpes (attr.), gïemhpe (pred.)
snill
hijven (attr./pred.)
bra
jearsoes (attr.), jearsoe (pred.)
trygg, tillitsfull
jïermegs (attr.), jïermege (pred.)
fornuftig, klok
lustes (attr.), luste (pred.)
artig, morsom
mujjies (attr./pred.)
blid
tryjjes (attr./pred.)
trivelig, hyggelig
stinkes (attr.), stynkehke (pred.)
pålitelig, stødig
vietseles (attr.), vietsele (pred.)
grei, trivelig

Verbh

aavoedidh
å glede seg, være glad
digkiedidh
å diskutere
domtedh V
å føle seg
föörhkedidh
å le
goltelidh
å lytte
irhkesovvedh IV
å bli mobbet
krååvvadidh
å grue seg
lustestalledh IV
å more seg
pleekesovvedh IV
å bli plaget
pryjjedh V
å bry seg
seahkaridh
å bry seg om
soelkehtidh
å trøste
soptsestidh
å snakke, fortelle
soptsestalledh IV
å snakke sammen
tråjjadidh
å trives
viehkiehtidh
å hjelpe
ektine årrodh II
å være sammen med

5. Goltelh jïh orresth

Mah leah åahpetjh?

0:00
-0:00
Lyd: Maria Kråik Stenfjell / CC BY-SA 4.0

6. Ussjedallh jïh vaestedh

  1. Gïeh leah voelph?

  2. Gïeh leah åahpetjh?

  3. Gïeh maehtieh dov voelph sjïdtedh?

7. Ohtsedh jïh vaestedh

Mij lea vïenesvoete?

Ohtsedh gaske-viermesne. Desnie maahtah goerkesimmieh vïenesvoeten bïjre gaavnedh. Gåarede daej baakoej mietie ohtsedidh: vïenesvoete, jearsoesvoete, seahkarimmie, gieriesvoete, eerlegevoete.

Baakoeh

goerkesimmie
begrep, forståelse
vïenesvoete
vennskap
jearsoesvoete
trygghet
seahkarimmie
respekt
gieriesvoete
kjærlighet
eerlegevoete
ærlighet
Skrevet av Mona Fjellheim og Marit M. Fjellheim. Rettighetshaver: Aajege.
Sist oppdatert 19.10.2025

ForrigeNeste