Hopp til innhald

  1. Home
  2. Kokk- og servitørfag Vg2ChevronRight
  3. Kosthald og helseChevronRight
SubjectMaterialFagstoff

Fagartikkel

Mineral og sporstoff

Sjølv om dei ulike uorganiske minerala til saman berre utgjer ein liten del av kroppsvekta vår (om lag 4 %), er dei svært viktige. Minerala er nødvendige for mange prosessar i kroppen vår, men dei blir ikkje forbrende.

En mengde ulike råvarer av frukt, grønt, kjøtt, fisk, melk, egg og kornprodukter. Foto.

Mineral

I motsetning til vitamina er fleire mineral viktige byggjesteinar i kroppen. Særleg skjelettet er avhengig av mineraltilførsel. Mineral er også viktig for at nervesystemet og musklane skal fungere normalt.

To hovedgrupper

  • Mineral – som vi treng relativt mykje av, og som fungerer som byggjesteinar i kroppen. Eksempel på slike mineral er kalsium og fosfor.
  • Sporstoff – som kroppen berre treng ørsmå mengder av. Sink, selen og krom er eksempel på sporstoff.
Ulike, færske melkeprodukter på et serveringsfat. foto.
Melkeprodukt er gode kjelder til kalsium.

Sporstoff

Sporstoff er nemninga på meir enn 100 grunnstoff som til saman utgjer mindre enn ein titusendel av kroppsvekta. Fleire av sporstoffa er livsnødvendige, det vi seie at mangel kan føre til sjukdom og i verste fall død.

To grupper sporstoff

  • Dei livsnødvendige – som jern, sink og jod.
  • Dei giftige – som bly og kadmium.

Både dei giftige og dei nødvendige sporstoffa har ein tendens til å hope seg opp i feittet og beinstrukturen. Det er vanskeleg å studere effekten av mangel på eller tilskot av sporstoff, for alle stoffa fungerer saman med kvarandre, eller i konkurranse med kvarandre. Tilskot av eitt enkelt sporstoff vil derfor automatisk endre konsentrasjonen av fleire andre.

Fisk er ei god kjelde til jod og oksekjøt ei god kjelde til jern og sink.

Les meir om:

Artikkel om Kalsium.

Artikkel om Natrium.

Artikkel om Jern, sink og jod.

Hugs

  • Mineralstoffa kan ikkje bli til i kroppen og må tilføres via mat og drikke.
  • Mineralstoffa har ulike funksjonar i kroppen.

Læringsressursar

Kosthald og helse