Å foredle råvarene på ein god måte er viktig både for å framheve smaken, auke haldbarheita og jobbe på ein berekraftig god måte. Best mogleg tillaging og produksjon i alle ledd er viktig for god økonomi i bedrifta du skal jobbe i.

Noreg har lange tradisjonar med å slakte og tilarbeide kjøt frå råvare til produkt. Av kjøt får vi fleire viktige næringsstoff som kroppen treng.

Kjøtfarse og kjøtdeig blir nytta til alt frå kjøtkaker til pizzatopping og taco. Det er forskjell i framgangsmåtar og feittinnhald i farse og deigar. Blandingsforhold mellom kjøt, væske og feitt avgjer bruksområda til produktet. Tid, temperatur og riktig handlag avgjer om produktet blir bra.