Utforsk kulturelle normer og verdiar i kommunikasjonen

Opne bilete i eit nytt vindauge

CC BY-NC

Bilete: Shutterstock, NTB

1. Les artikkelen "Kulturelle verdiar i kommunikasjonen".

2. Overlappar dei to modellane for verdiar som du møter i denne artikkelen, kvarandre?

3. Synest du det manglar nokon verdiar som du meiner er viktige i kulturar du kjenner til?

4. Lag eit notat med tre kolonnar.

• Noter ulike verdiar og verdidimensjonar i venstre kolonne.

• I den midtarste kolonnen skriv du ei forklaring på kva verdien handlar om.

• I den tredje kolonnen noterer du eit døme på ei norm som følger av denne verdien.

Vel ein til tre av tekstane i lenkesamlinga. Bruk omgrep og kunnskap frå førre oppgåve til å utforske og analysere korleis ulike kulturelle verdiar og normer kjem til uttrykk i kommunikasjonen i desse.

Du kan anten gå i djupna på ein av tekstane eller velje to–tre tekstar som du meiner er interessante å sjå på saman. Enten fordi dei uttrykker motsetningar, eller fordi dei utfyller kvarandre.

Bruk desse spørsmåla som eit utgangspunkt for arbeidet:

1. Kva for nokre kulturelle verdiar og/eller normer kjem til uttrykk i tekstutvalet ditt?

2. Kva for nokre visuelle, verbale, auditive og estetiske verkemiddel og motiv er brukte for å få fram desse verdiane og normene? Vis med døme frå teksten(e) du har valt, ta gjerne skjermbilete/skjermopptak.

3. Kven trur du bodskapen i tekstane er retta mot? Kan du knyte dei kulturelle normene og verdiane som blir uttrykte, til bestemde kulturelle grupper?

4. Kor vellykka meiner du teksten er når det gjeld å kommunisere med mottakaren?

5. Kva tenker du om verdiane og normene som blir uttrykte, sett frå din eigen kulturelle ståstad? Gir dei meining frå ein annan kulturell ståstad?