Marknadsføring skaper verdi for forbrukarar ved å dekkje behovet deira for produkt. Ein marknadsstrategi kan bestå av merkevarebygging, kundearrangement og marknadsføringskampanjar. Marknadsføring må tilpassast forbrukaråtferda til målgruppa og medievanar. Det kan marknadsundersøkingar gi innsikt i.

Marknadsundersøkingar er innsamling og analyse av data om marknaden. For verksemder kan marknadsundersøkingar gi verdifull innsikt om kundane. Denne innsikta kan mellom anna vere til hjelp for å ta strategiske val om ulike marknadsføringstiltak og for å evaluere tidlegare avgjerder.