Hopp til innhald
Fagartikkel

Setningsadverbial når subjektet ikkje står først i setninga

Kvar skal du plassere setningsadverbialet i forteljande heilsetningar som ikkje har subjektet først?
Ungdommar et pizza og smiler. Foto.
"Dei et gjerne pizza no" og "No et dei gjerne pizza". Legg merke til at setningsadverbialet "gjerne" har ulik plass i dei to setningane. Årsaka er at adverbialet "no" har bytt plass.

Før du les

Sjå nærare på desse fagomgrepa før du les teksten:

Setningsledd
Setningsledd er dei ulike delane i ei setning. Subjekt, verbal og objekt er tre ulike setningsledd. I setninga "Per og Nina ser ein gut" er "Per og Nina" subjekt, "ser" er verbal, og "ein gut" er direkte objekt.
Subjekt
Subjektet er setningsleddet som utfører ei handling i ei setning. I setninga "Muhammed drikk vatn" er "Muhammed" subjekt.
Verbal
Verbalet er det som skjer i setninga. Verbalet er alltid eit verb. I setninga "Muhammed drikk vatn" er "drikk" verbalet.
Forteljande heilsetningar
Forteljande heilsetningar er dei vanlegaste setningane. Desse kan stå åleine (til forskjell frå leddsetningar), og vi bruker dei for å fortelje noko: "Anna et" og "Eg må sove".
V2-regelen
V2-regelen seier at verbalet alltid skal på andreplass i forteljande heilsetningar: "Vi kjem på måndag" og "På måndag kjem vi". I begge setningane er verbalet "kjem" på andreplass.

Dette er ein del av ein læringssti om setningsadverbial. For å komme til starten av læringsstien kan du gå til fagartikkelen "Kva er eit setningsadverbial?".

Setningsadverbial når subjektet ikkje er først

I setningar der ikkje står først, er reglane for annleis enn i setningar med subjektet først. Det er på grunn av V2-regelen.

V2-regelen

På norsk har vi V2-regelen. Denne regelen seier at i må alltid stå på andreplass. Derfor byter subjektet plass når eit anna ledd enn subjektet står først i setninga:

  • Eg drar no. (Subjektet "Eg" står først.)

  • No drar eg. (Adverbialet "No" står først.)

Når subjektet ikkje står først i setninga, skal setningsadverbialet stå etter subjektet.

  • I setninga "I dag kjem eg ikkje" er "eg" subjekt og "ikkje" setningsadverbial.

  • I setninga "No et ho berre ein bolle" er "ho" subjekt og "berre" setningsadverbial.

  • I setninga "På måndag kjem vi sjølvsagt i bursdagen din" er "vi" subjekt og "sjølvsagt" setningsadverbial.

Visuell forklaring

Vi kan vise ordstillinga i dei to setningstypane ved å bruke boksar og fargar. Det kan hjelpe deg til å hugse på korleis setningsadverbialet byter plass:

To setningar, kvart ord står i ein eigen boks. Den første setninga er "Eg drar ikkje no". Den andre setninga er "No drar eg ikkje". Ordet "eg" er markert som subjekt i begge setningane, med lilla. Ordet "drar" er markert som verb i begge setningane, med oransje. Ordet "ikkje" er markert som setningsadverbial, med rosa. Ordet "no" er markert som "adverbial", med grønt. Illustrasjon.

Prøv å hugse denne ordstillinga, for i neste steg i læringsstien skal du øve deg på å bruke setningsadverbial i setningar med og utan subjektet først.

Relatert innhald