Rollespel: Seksuelt overførbare infeksjonar

Utstyr:

• eitt begerglas til kvar elev

• eingongspipette til kvar elev

• lappar med ulike roller

• 2 erlenmeyerkolbar på 1 liter

• "kroppsvæske": ei blanding av melis, vatn og mjølk

• "kroppsvæske med smitte": ei blanding av melis, vatn, mjølk og stivelsesløysing

• jodløysing

Førebuingar:

Dette kan gjerast nokre dagar i førevegen så lenge løysingane står i kjøleskap. Stivelsesløysinga må rørast godt ut før bruk.

1. Tillaging av «kroppsvæske»: Bland saman like mengder vatn, melis og mjølk i ein erlenmeyerkolbe. Rør godt, gjerne med ein magnetrørar. Berekn volum slik at du har 50–100 ml «kroppsvæske» til alle elevane, bortsett frå to eller tre.

2. Tillaging av «kroppsvæske med smitte»: Bland saman like mengder vatn, potetmjøl og mjølk i ein erlenmeyerkolbe. Rør godt, gjerne med ein magnetrørar. Berekn volum slik at du har 50–100 ml «kroppsvæske med smitte» til to eller tre elevar. I ein klasse på 30 elevar kan det med fordel vere fire smitta.

3. Fordel «kroppsvæske» i alle begerglasa bortsett frå to eller tre.

4. Fordel "kroppsvæske med smitte" i dei siste to eller tre begerglasa. Desse elevane er smitteberarar.

5. Test at jodløysing du har tilgjengeleg, gir positiv test på stivelsesløysinga du har laga. Det skal bli blåsvart farge når du dryper jodløysinga i stivelsesløysinga.

6. Klipp ut lappar med ulike rolleskildringar til elevane. Sjå forslag til roller i vedlegg.

   1. vedlegg A: kjønn og seksuell orientering

   2. vedlegg B: seksuelle vanar

   Kvar elev skal trekkje ein lapp frå vedlegg A og ein frå vedlegg B, som til saman definerer rolla til eleven.

7. Sett fram begerglasa før timen slik at du har eitt glas per elev som er halvfullt med anten "kroppsvæske" eller "kroppsvæske med smitte". Det vil då vere uvisst for elevane kven som er smitteberar.

Gjennomføring:

Når aktiviteten har gått føre seg ei stund, avslører læraren at det er nokon som har ein overførbar kjønnssjukdom, og at alle elevane må testast.

Saml elevane og drypp like mange dropar jodløysing i kvart av begerglasa. Positiv smittetest blir avdekt med blåsvart farge frå "kroppsvæske med smitte". Dersom alle elevane har gjennomsiktige glas, ser ein tydeleg at smitten har spreidd seg i gruppa. Dette vil òg avdekkje kven i klassen som var smitteberarar.

NB! Tilpass aktiviteten til gruppa. Aktiviteten passar berre for elevar som er trygge på kvarandre og på læraren. Understrek at dette berre er rollespel, og unngå at elevane bruker namn på andre i klassen.