Kontrafaktisk historie – andre verdskrigen
Kontrafaktisk historie er forteljinga om det som ikkje vart. Ein måte å forstå historie på er å stille spørsmål om kva som kunne ha skjedd. Dette er ein spennande og utforskande arbeidsmåte for å gå djupare inn i ulike tema.
For å kunne svare på slike spørsmål må du kjenne årsakene til det som faktisk skjedde, og kunne vurdere moglegheitene for alternative forløp av storhendingane.
Jobb saman parvis eller i små grupper.
Kva om Hitler ikkje hadde vorte leiar av nazipartiet NSDAP? Ville andre verdskrigen vorte unngått, eller ville det ha komme ein "annan Hitler" og gjort noko liknande?
Kva ville skjedd om Tyskland hadde overvunne Sovjetunionen i 1941–1943?
Hitler vart prøvd drepen fleire gonger under andre verdskrigen. Kva ville skjedd om det hadde lykkast?
Kva ville skjedd om invasjonen i Normandie 6. juni 1944 hadde mislykkast?
Kva ville skjedd om Japan ikkje hadde angripe Pearl Harbor 7. desember 1941?
Kva ville skjedd om USA ikkje hadde brukt atomvåpen mot Japan i 1945?
Til slutt, samanfatt i plenum.
Relatert innhald
Den økonomiske verdskrisa på 30-talet bidrog til at Weimarrepublikken fall i 1933 og vart erstatta med eit nasjonalsosialistisk diktatur.
Den andre verdskrigen var ein global krig, frå 1939 til 1945, som vart utkjempa mellom aksemaktene og dei allierte.