La deg inspirere av holemåleria

1. Kva trur du formålet med holemåleria var?

2. Les artikkelen om holemåleri.

3. Korleis kan holemåleria ha blitt brukte til å formidle historier og idéar?

4. Med få unntak er det dyr og ikkje menneske som er avbilda. Kva trur du årsaka til det kan vere?

Oppvarming

Heng opp ein teiknerull, eller rull ut papiret på eit stort bord eller på golvet.

1. La dykk inspirere av dyra frå holemåleria og test ut kol og/eller krit. Prøv ut effekten av å bruke tung eller lett strek. Korleis påverkar strekane opplevinga av motivet?

2. Etter fem minutt byter de plassar og startar på nye teikningar. Bli ikkje ståande og pirke på same teikning.

Holeveggen var som eit lerret for holemålarane. Prøv å attskape ein fjellvegg ved å la milde jordfargar flyte over i kvarandre. Bruk vått i vått-teknikk til å skape liv i bakgrunnen på biletet ditt. Lag minst to bakgrunnar. La arka tørke skikkeleg før du går i gang med å måle dyreskikkelsar på dei.

1. Søk på nettet og vel eit holemåleri frå forhistorisk tid som du vil studere nærare. Gode søkeord kan vere: "cave painting", gjerne kombinert med: "Lascaux", "Altamira" eller "Chauvet".

2. Sitt saman i grupper på to–tre og beskriv dei visuelle verkemidla i måleriet de har valt for kvarandre. Det vil seie at de skal studere korleis strek, form og fargar er brukte og sette saman. Legg òg merke til om det er brukt kontrastar i måleria, og om teksturen i huleveggen påverkar uttrykket.

Bruk holemåleriet du studerte i del 4. No skal du legge ekstra godt merke til kva streken betyr for å få fram djupn i holemåleriet.

1. Prøv ut strek og penselstrok.
   Test ut penselstrok på eit eige ark og prøv ut effekten av å bruke tung eller lett strek. Leik med dyra du finn i holemåleriet du valde, og mål dei på ulike måtar. Korleis påverkar strekane opplevinga av motivet?

2. Jobb med komposisjon.
   Studer bakgrunnen og lyssetjinga av holemåleriet du har valt. Dette kan hjelpe deg til å skape ein betre komposisjon og få fram djupn i biletet ditt. Lag små, raske skisser der du prøver ut korleis du vil plassere dyra på arket ditt. Bruk heile flata.

3. Gjengi motivet og legg vekt på bruk av strek på akvarellarket.
   Mål eit eller fleire av dyra du har jobba med på bakgrunnen du laga på A3-arket. Ta med deg erfaringa du fekk frå å bruke tunge og lette strekar. Tenk over komposisjonen. Korleis påverkar streken den visuelle effekten i måleriet ditt?

4. Forsterk djupneverknaden ved hjelp av valørar.
   Prøv ut korleis du kan få fram volum og tekstur ved hjelp av nye, tynne lag med akvarellmåling. Bruk erfaringane dine til å skape endå meir djupn i biletet ditt.

Kva ville du ha måla på ein holevegg? Ta med deg erfaringane frå å måle dyr. Leik med tanken på magien til biletet og mål eit fritt valt motiv inspirert av holemåleria.

Samarbeid med klassen din og lag ei utstilling av holemåleria de har laga. Bli samde om de også vil ta med nokre av utprøvingane.