Undersøk monument frå forhistorisk tid og teikn ein studie av Stonehenge
Finn meir kunnskap i artikkelen om Stonehenge.
Beskriv steinformasjonen Stonehenge.
Forklar kvifor monumentet kan ha hatt religiøs betydning.
Bruk relasjonane nedst på sida og les meir om liknande monument i Europa. Søk gjerne etter andre steinmonument på nettet viss du vil undersøke breiare. Vel eit monument, beskriv dette og ta med kvar det ligg.
Samarbeid med ein medelev og samanlikn monumenta de har funne fram til. Diskuter kva slags funksjon de trur monumenta kan ha hatt.
Utstyr og teknikk
Foreslåtte teiknereiskapar: gråblyant, kol eller fargekrit
Teiknepapir: A3-format
Teknikk: tung/lett strek og skravering
Viktige stikkord: komposisjon, tekstur og volum
Studer eit eller fleire foto av Stonehenge. Legg merke til korleis skuggane er med på å understreke materialet og forma på steinane. Skuggane er òg med på å få fram storleiken og tyngda til steinen.
Studer bakgrunnen og mellomromma når du skal plassere motivet på arket ditt. Tenk komposisjon og riss lett opp forma på steinane. Varier bruken av strek når du gjengir formene. Prøv ut korleis lett og tung strek kan få fram djupneverknad i biletet ditt.
Studer overflata på steinane og bruk skravering for å skape ulike gråtonar. Valørane kan understreke volum og få fram tekstur. Slagskuggen blir òg viktig for komposisjonen.
