Beskriv og teikn venusfiguren

1. Studer venusfiguren frå Willendorf i bileta over. Beskriv skulpturen og legg vekt på form, storleik, materiale og tekstur.

2. Kva betydning kan venusfigurane ha hatt?

Diskuter med ein medelev:

• Korleis kan venusskulpturen vise at
  mennesket alltid har hatt behov for å uttrykke seg?

• Venusskulpturen kan fortelje oss noko om stillinga til kvinna i samfunnet. Historikarane har ulike teoriar. Kva tenker du?

Diskuter desse punkta saman med klassen etterpå.

Kva er særeige med venusfiguren?

Du skal teikne ein studie av venusfiguren. Start med å sjå nøye på fotografiet. Studer tekstur og materiale. Det er viktig å legge merke til bakgrunnen og lyssetjinga i biletet. Dette kan hjelpe deg til å lage ein god komposisjon og til å få fram djupn i teikninga di.

1. Jobb med å finne ei god plassering på arket. Finn fram til proporsjonar mellom hovud, kropp, bein og armar. Teikn desse med ei lett oppteikning.

2. Bruk skravering for å skape valørar som viser volum, tekstur og skuggespel.