Beskriv og teikn venusfiguren
Del 1: Beskriv og forklar
Studer venusfiguren frå Willendorf i bileta over. Beskriv skulpturen og legg vekt på form, storleik, materiale og tekstur.
Kva betydning kan venusfigurane ha hatt?
Del 2: Diskuter
Diskuter med ein medelev:
Korleis kan venusskulpturen vise at
mennesket alltid har hatt behov for å uttrykke seg?Venusskulpturen kan fortelje oss noko om stillinga til kvinna i samfunnet. Historikarane har ulike teoriar. Kva tenker du?
Diskuter desse punkta saman med klassen etterpå.
Del 3: Teikn ein studie av venusfiguren
Utstyr og teknikk
Foreslåtte reiskapar: gråblyant, kol eller fargekrit
Teiknepapir: A3- format
Teknikk: skravering
Kva er særeige med venusfiguren?
Du skal teikne ein studie av venusfiguren. Start med å sjå nøye på fotografiet. Studer tekstur og materiale. Det er viktig å legge merke til bakgrunnen og lyssetjinga i biletet. Dette kan hjelpe deg til å lage ein god komposisjon og til å få fram djupn i teikninga di.
Jobb med å finne ei god plassering på arket. Finn fram til proporsjonar mellom hovud, kropp, bein og armar. Teikn desse med ei lett oppteikning.
Bruk skravering for å skape valørar som viser volum, tekstur og skuggespel.