Form handlar om korleis gjenstandane rundt oss ser ut, og korleis eit motiv blir gjengitt. Både forma og fargane påverkar korleis vi opplever eit uttrykk. I dette emnet skal du lære nokre omgrep du kan bruke når du skal øve opp formforståinga di.

Tekstur er overflateverknaden eller stofflegheita til eit materiale. Vi kan til dømes oppleve overflater som mjuke, glatte, ru eller hårete. I dette emnet skal du prøve ut korleis du kan få fram kjensla av tekstur i eit flatt bilete.