I dette emnet skal vi sjå på korleis du som elev kan bruke kjelder, teoriar og modellar i arbeidet med faglege spørsmål, emne og problemstillingar.

Lærebøker og digitale læremiddel formidlar kunnskap som folk før deg har skaffa seg gjennom å studere ulike fenomen. Men du kan også sjølv skaffe deg kunnskap og innsikt gjennom eiga metodisk utforsking. Her får du tips til korleis du kan gjere det.

Når du har fått fram eit forskingsresultat, er neste steg å presentere det du har funne ut. Det kan gjerast munnleg i klassen eller i ein skriftleg forskingsrapport. Uansett må du syte for at forskingsresultata dine er etterprøvbare for andre.