Konkurransemidlar er strategiske verkemiddel som verksemder bruker for å posisjonere seg i marknaden. I dette emnet skal vi utforske dei ulike konkurransemidlane og sjå på korleis vi kan bruke konkurransemidlar i ein oppstartsfase.

Det er enkelt å ta i bruk pris som eit konkurransemiddel. Prisendringar kan gi raske resultat. Men det er òg enkelt å kopiere prisar, noko som kan bidra til såkalla priskrig. Det er viktig å vurdere prissetjinga nøye, sidan feil prissetjing kan gå ut over inntekt og forteneste.