Klasserommet er ein god øvingsarena for samtalar, diskusjonar, innlegg, presentasjonar og talar. Tren på å finne ord og verkemiddel som passar til mottakar, situasjon og formål, og ikkje minst: Bli ein god lyttar!

Både foredraget og presentasjonen skal informere, men form og formål er noko ulike. Same om du skal ha eit foredrag eller presentere, må du forberede deg grundig. Å vite at du meistrar stoffet skaper tryggleik. Då kan du konsentrere deg om det viktigaste når du møter publikum, sjølve framføringa.