Arbeidsoppdrag
Marionett
Ein marionett er ein spesiell type tredokke som har rørlege ledd. Den blir gjerne brukt til figurteater og kan bli styrt med snorer eller stavar. Bruk fantasien og lag ein original og kreativ figur med spennande detaljar. I filmen viser Knut Ivar Sørheim korleis du kan lage rørlege ledd.
Video: Jarle Sten Olsen / CC BY-ND 4.0
Du skal designe og produsere ein funksjonell marionett. Bruk samanføyingsteknikkar, slik at ledda til dukka blir rørlege.
Materiale
Marionetten skal ha kropp i tre, men du kan velje om du vil lage hovudet av papir og lim eller tre. Bruk gjerne tekstil til å lage klede til dukka.
Burmesisk marionett. Bilete: Mydaydream89 / Offentleg eige
- Undersøk korleis marionettar er brukte i ulike kulturar.
- Teikn idéskisser til ulike figurar.
- Vel ei skisse du vil gå vidare med, og teikn fargeskisser.
- Lag ei arbeidsteikning med nøyaktige mål. Målestokk 1:2 eller 1:1.
Kropp
Det er viktig å vere nøyaktig når du måler opp og skjer til emna til dokka. Jobb med å forme kvar enkelt del, og bruk instruksjonsfilmen til å sjå korleis du set dei saman.
Hovud
Du kan bruke avispapir, tape og lim til å lage dokkehovudet.
- Vurder uttrykket på figuren din. Korleis fungerer han som marionett?
- Kva erfaringar har du gjort i arbeidet med ulike teknikkar, og korleis har læreprosessen din vore?
- Ville du gjort noko forskjellig viss du skulle ha laga marionetten på nytt?
- idéskisser og fargeskisser
- arbeidsteikning
- marionett
- eigenvurdering
Relatert innhald
Fagstoff
Samanføyingsteknikkar i treLær deg enkle samanføyingsteknikkar som liming, spikring og skruing, og handverksteknikkar som plugging, kryssfelling, fingerskøyt og sinking.