Potet er ei av dei viktigaste matplantene i verda. I Noreg blir ho dyrka over heile landet, nokon dyrkar i ein pallekarm, andre har potetdyrking som leveveg. I dette emnet lærer du at du må planlegge godt, følge godt med gjennom vekstsesongen og ha ein plan for hausting og lagring for å lykkast.

Skal du dyrke potet, må du vere førebudd på at arbeidet startar lenge før potetene skal setjast i jorda. Du må bestemme deg for kva sortar du skal velje, og du må finne ut kor mykje setjepotet du treng. Lysgroing er òg ei viktig arbeidsoppgåve før potetene skal i jorda.