Norsk griseproduksjon har strenge reglar for dyrevelferd, avlsarbeid, rett fôring og stell. Med fokus på velferda og helsa til dyra får du friske og sunne dyr, det er ein føresetnad for eit godt driftsresultat. Her har vi samla det viktigaste fagstoffet om gris og griseproduksjon i norsk landbruk.

Purker trivst i flokk og kan vere gode venninner, men du må vere klar over at dei har ein sterk rangorden. For å unngå at dei skadar kvarandre, må du sørge for at dei har god plass og nok rotemateriale. Skjerma eteplassar (fangbåsar) er vanleg i purkebingar, der kan purkene slappe av i fred og ro.