Arbeidsoppdrag
Lag ein dekorasjon i dekorativ stil
Ein dekorasjon er eit produkt der blomster, grønt og annan pynt er stukne ned i ein fast stikkmasse. Lat deg inspirere av dekorativ stil og lag ein dekorasjon. Du kan bruke rikeleg med blomstrar og kombinere ulike sortar, men vel ein farge som dominerer. Forma skal vere klar og avgrensa.
Her blir dekorativ stilform brukt i ein bukett. Korleis kan du bruke dekorativ stilform i ein dekorasjon? Video: Jarle Sten Olsen / CC BY-ND 4.0
- Vel ein kunde og eit høve som dekorasjonen skal brukast i.
- Set deg inn i kjenneteikn på dekorativt blomsterarbeid.
- Lag skisser til ulike design på dekorasjonen. Eksperimenter med komposisjon og ulik fargedominans.
- Finn passande materiale og lag dekorasjonen.
Bilete: Lise Fridholm / CC BY-NC 4.0
Kjenneteikn på eit dekorativt blomsterarbeid
- frodigheit og volum
- klar og avgrensa ytre form
- djupneforskjellar i arbeidet
- ofte mange blomstrar og kombinasjon av ulike sortar
- likskapar i farge, form eller overflate
- ofte klar dominans av former eller farge
- noko bruk av kontrastar i form, linjer, overflater og fargar
- både symmetrisk og usymmetrisk blomsterarbeid mogleg
Bilete: Lise Fridholm / CC BY-NC 4.0
- Ta eit fint bilete av dekorasjonen og tenk gjennom val av bakgrunnen for fotoet.
- Skriv eit refleksjonsnotat der du vurderer korleis du har brukt den dekorative stilen i dekorasjonen din.
Relatert innhald
Fagstoff
ProduktfotograferingProduktfotografering handlar om fotografering av forskjellige gjenstandar. Jobben til fotografen er å vise fram produktet på ein tydeleg og naturtru måte.
Fagstoff
Dekorativ stilformDekorativ stil er antakeleg den stilforma som blir mest brukt. Stilen er frodig. Du kan bruke rikeleg med blomstrar og kombinere ulike sortar.