Oppgåve
Møbleringsforslag
Som interiørdesignar skal du beskrive korleis ein kunde kan møblere eit rom. Bruk nettsider som viser prisar på møblar du har plukka ut, og set dei inn i eit skjema. Dette gir eit estimat på kva pris kunden må betale.
Bilete: Pixnio / CC0
Lag eit forslag til møbleringsløysing til ein kunde. Dette skal du setje opp i eit skjema, slik at kunden får oversikt over kostnadene. Det er fleire måtar å lage slike skjema på, men eit rekneark er fint å bruke.
Skjemaet bør innehalde:
produktnamn
bilete av produktet
materiale og farge
mengd
einingspris (finn prisar hos ein leverandør på nettet)
totalpris
Filer
Merknad
I arbeidslivet er det vanleg praksis å la leverandørar fylle ut kva prisar dei kan gi. Du kan lese meir om dette i artikkelen om beskriving og anbod i interiørfaget. Denne oppgåva er ei øving, der du sjølv skal finne prisar på produkta og leggje dei inn i skjemaet.