Naturfag er eit praktisk og utforskande fag. Gjennom opplevingar, undring og utforsking kan du forstå verda omkring deg i eit naturvitskapeleg perspektiv. Målet er at du skal oppleve skaparglede og utvikle evna til nytenking mens du får erfaring og innsikt i naturfagleg teori.

Når du jobbar med utforsking, er det viktig å vurdere risiko både før og undervegs i arbeidet. Du må også vite korleis du kan bruke kjelder. Når har valt ei problemstilling som du vil jobbe med, må du finne metodar som passar, dokumentere prosessen og presentere arbeidet ditt.