Gjennomfør ein bransjeanalyse - Marknadsføring og leiing 2 - NDLA

Hopp til innhald
Oppgave

Gjennomfør ein bransjeanalyse

I denne oppgåva skal du gjennomføre ein bransjeanalyse med utgangspunkt i ei valfri verksemd i sjømatindustrien.
Ein kollasj med fire bilete som illustrerer ei verdikjede. Bilete 1 viser ei fiskeskøyte på veg mot kai. Bilete 2 viser ein person som jobbar med å filetere fisk ved eit transportband. Bilete 3 viser ein person i ein produksjonshall som skjer opp fisk og legg han i kassar. Bilete 4 viser to trailerar langs vegen. Foto.
Sjømatindustrien er ein viktig bransje i Noreg. I 2023 eksporterte Noreg sjømat for 172 milliardar kroner. Bilete: Morten Holm, Terje Bendiksby, Terje Mortensen, Jon Hauge / CC BY-NC-SA 4.0

Oppgåve

Gjennomfør ein bransjeanalyse med utgangspunkt i ei verksemd i sjømatindustrien. Ta utgangspunkt i ei konkret verksemd som anten driv med fangst, oppdrett, foredling og/eller sal av fisk og sjømat.

Illustrasjon med 8 tekstboksar plasserte saman i sirkel rundt eit sentrum. I sentrum står det Konkurranse i bransjen. Dei 8 boksane rundt har ei pil frå seg og inn mot sentrum av sirkelen. I fire av boksane står det 1) Trussel frå nyetableringar, 2) Makt hos kundar, 3) Trussel frå substitutt og 4) Makt hos leverandørane. Dei fire siste boksane har ein litt annan bakgrunnsfarge. På dei boksane står det 1) Globalisering, 2) Påverknad frå myndigheitene, 3) Digitalisering og 4) Innovasjon.
I bransjeanalysen skal du bruke Porters fem konkurransekrefter saman med dei fire nye konkurransekreftene. Bilete: Elisabeth Thoresen Olseng / CC BY-SA 4.0

Tips til informasjonshenting

Kjelde

Norges sjømatråd 04.01.24. Prisvekst og svak krone ga eksportrekord for norsk sjømat i 2023. Hentet fra: https://www.mynewsdesk.com/no/seafood/pressreleases/prisvekst-og-svak-krone-ga-eksportrekord-for-norsk-sjoemat-i-2023-3295360

Skrive av Elisabeth Thoresen Olseng.
Sist fagleg oppdatert 23.04.2024