Helsa di blir påverka av kva for livsstil du vel. Som fagarbeidar skal du bidra til å fremje ein aktiv og sunn livsstil og rettleie brukarane av helse- og oppveksttenester til å gjere gode val for si eiga helse.

Fysisk aktivitet er viktig for både fysisk og psykisk helse. Som fagarbeidar skal du planleggje, gjennomføre og vurdere aktivitetar som bidreg til meistring for tenestemottakarar med ulike føresetnader og ulikt behov for tilrettelegging.