Slaveskipet – den mørke norske kolonihistoria

Filmen følgjer den norske styrmannen Christian Runge på ein dramatisk seglas med slaveskipet "Fredensborg". Runge var ein av mange nordmenn som jobba på dansk-norske slaveskip på 1700-talet.

Gjennom auga til Runge får vi sjå korleis delar av slavehandelen gjekk føre seg. Filmen viser òg at det ikkje berre var i sjøfarten Noreg var involvert i slavehandelen. Fleire nordmenn var òg tilsette som guvernørar ved slaveforta langs Gullkysten og i Karibia.

"Fredensborg" forliste under ein storm i Skagerrak og vart først funne av dykkarar utanfor Tromøya i Arendal over to hundre år seinare. Handlinga i filmen baserer seg på loggbøker som er funne på "Fredensborg", i tillegg til andre historiske dokument.

Historia er fortald gjennom dramatiseringar med skodespelarar. Dei dramatiserte scenene er klipte saman med ulike historiske kjelder og animerte kart og dessutan intervju med ekspertar.