Slaveskipet: Noregs mørke kolonihistorie
Snakk saman parvis eller diskuter i klassen.
Kva veit de om kolonitida på 1700-talet?
Kva kan de om Danmark-Noreg på 1700-talet?
Tips
Før de ser filmen, kan de lese artikkelen Nordmennene har aldri vore åleine i verda.
Beskriv korleis slavehandelen gjekk føre seg.
Kva rolle hadde Kyrkja i slavehandelen?
Kva menneskesyn hadde ein overfor slavane?
Beskriv korleis ein slave vart behandla på slavefortet i Vest-Afrika, under den oversjøiske overfarten og etter framkomsten i den nye verda.
Kvifor oppstod det kritikk mot slaveri og slavehandel på 1700-talet?
Diskuter: Har Noreg ei like mørk fortid som andre kolonimakter som var involverte i slavehandelen?
Tilrådde kjelder for meir fordjuping i temaet om norsk slavehandel:
Artikkel om Slaveskipet Fredensborg, frå Norgeshistorie
Kjeldeutdrag: Slaveskipet Fredensborg i triangelfart, frå Norgeshistorie
Artikkel om Dei vestindiske øyane og den dansk/norske slavehandel, frå Arkivverket
På 1700-talet var nordmenn mannskap på slaveskip, jobba på slavefort i Afrika, og vi finn nordmenn på handelskontor i København. Diktaren Ludvig Holberg tapte pengar på slavehandel, og den norske sjøhelten Peter Wessel "Tordenskiold" har vorte kritisert for deltakinga si i slavehandelen.
Diskuter om det er moralsk rett at det finst statuar av desse personane i dag?
Søk på Internett og sjå om du finn ei nyheitssak som tek for seg kjende historiske personar med ei problematisk fortid. Kanskje finst det statuar av kjende personar i lokalmiljøet ditt, eller har det skjedd noko i nærområdet som kan knytast til ei ubehageleg fortid?
Relatert innhald
I norsk historie er det lett å sitje igjen med inntrykk av at Noreg eksisterte som isolert eining. Det har landet likevel aldri gjort.
Det kan vere utfordringar med å opne for at det kan finnast fleire likeverdige måtar å oppfatte historiske hendingar på.