Oppgåve
Finn ut: Kva inngår i ein tradisjonell thanksgiving-middag?
Snakk saman i klassen og bli einige om kva rettar som skal vere med i dette måltidet, og skriv ein meny.
Kva slags drikke passar til?
De skal òg dekke og pynte eit fint bord som kan passe til ein thanksgiving-middag. Skriv ut menyen, og legg ein på kvar kuvert.
Fordel arbeidsoppgåver i klassen, og finn oppskrifter. Skriv ein arbeidsplan.
Produser rettane på kjøkkenet, og inviter gjestar til å ete thanksgiving-måltidet saman med dykk.
Presenter menyen for gjestane.
Ta gjerne ein runde rundt bordet og høyr om nokon har lyst til å dele ein ting dei er takksame for det siste året.
Tips!
Dette prosjektet eignar seg fint til eit tverrfagleg prosjekt saman med engelsklæraren. Då kan elevane i engelsktimane få innblikk i historia bak thanksgiving, skrive menyen på engelsk og presentere menyen på engelsk framfor engelsklærar og andre gjestar.