Oppgåve

Kontrollspørsmål om egg

Etter å ha jobba med temaet egg kan du teste deg sjølv ved å svare på desse spørsmåla.

Egg

Teikn eit tverrsnitt av eit egg og set namn på dei forskjellige delane.
Kva kjenneteiknar eit A-egg?
Korleis bør egg lagrast?
Nemn fem av egget sine eigenskapar – og forklar korleis vi kan nytte desse eigenskapane.
Kvifor blir eggeprodukt pasteurisert?
Kva for ein type steikjepanne bør vi bruke til steiking av egg?
Kvifor stikk vi hol i egget før vi kokar det?
Kvifor bruker vi eddik i vatnet når vi posjerer egg?
Kva skjer med proteina i egget når du varmebehandlar det?