Klassar, lagdeling og forskjellar
Les artikkelen Trodde du Norge hadde små forskjeller frå NRK, og svar på spørsmåla.
Er Noreg er eit land med store eller små økonomiske forskjellar? Grunngi svaret.
Kva er årsakene til dei økonomiske forskjellane i Noreg i dag, ifølgje artikkelen?
Kva er konsekvensane av store økonomiske forskjellar?
Vel to av dei fire teoriane om klassar og lagdeling under. Diskuter kva for ein av dei to teoriane som best kan forklare dei sosiale og økonomiske forskjellane vi finn i Noreg i dag.
Sjå filmen Sosial ulikhet eller les artikkelen Sosiale helseforskjeller i Norge frå Folkehelseinstituttet, og svar på spørsmåla.
Korleis kan inntekta til foreldra påverke helsa til barna på ein positiv og negativ måte?
Korleis kan utdanninga til foreldra påverke helsa til barna på ein positiv og negativ måte?
Korleis kan Bourdieus teori om habitus forklare kvifor barn av foreldre frå lågare klassar får dårlegare helse?
Diskuter kva som er dei beste måtane å jamne ut dei sosiale helseforskjellane på.
I denne oppgåva skal du dra ut i nærmiljøet og ta bilete som kan illustrere dei små og store sosiale forskjellane vi har i Noreg.
De kan jobbe i grupper eller åleine.
De skal levere inn minst tre bilete.
Saman med kvart bilete skal de levere ei forklaring der de bruker fagomgrep eller teoriar til å tolke biletet de har teke.
De finn forslag til relevante teoriar i dei relaterte artiklane under. Relevante fagomgrep kan vere:
klassar
statusgrupper
funksjonell lagdeling
kulturell, økonomisk eller sosial kapital
sosial lukking
sosial mobilitet
Relatert innhald
Teoriar om klassar har røter til Karl Marx. Han meinte samfunnet bestod av to ulike klassar som hadde ulike interesser og kjempa mot kvarandre.
Max Weber skil mellom tre ulike dimensjonar ved ulikskap. Plasseringa di i samfunnshierarkiet er avhengig av klasse, status og sosial makt.