Utforsk kapital og kulturelle kodar

Opne bilete i eit nytt vindauge

CC BY-NC

Bilete: Fenomen

Les fagartikkelen om kulturell kapital, og utdjup desse stikkorda på bakgrunn av det du finn i artikkelen.

• kapital
• kulturell kapital
• sosial kapital
• kulturelle kodar
• høgkultur
• lågkultur
• makt
• status
• klasseskilje

Del 1

Hendingane i dramaserien Rådebank er inspirert av verkelege hendingar i rånemiljøet i Bø, Notodden og Ulefoss. I denne oppgåva skal du undersøkje kapitalen til ein av karakterane i Rådebank, og kva for nokre kulturelle kodar som gjeld i rånemiljøet.

Glenn-Tore (GT) er hovudpersonen i serien. Sjå første episode av sesong 1, og bruk punkta under for å beskrive GT. Legg òg merke til kva for kulturelle kodar som gjeld i miljøet han høyrer til.

• bustad og interiør
• livssyn
• politisk syn
• vener
• jobb
• utdanning
• inntekt
• interesser og fritid
• klessmak
• lesevanar
• musikksmak
• mat og drikke
• filmar
• bil (viss dei har bil)
• verdiar

Del 2 – drøfting i par

• Gå gjennom del 1 saman med ein medelev, og samanlikn kva de har notert. Har de gjort nokon av dei same observasjonane?
• I artikkelen om kulturell kapital står det at "Det å meistre kulturelle kodar er å ha det vi kan kalle kulturell kapital". Kva for kulturelle kodar gjeld for GT og miljøet han er ein del av? Er nokon av desse kulturelle kodane i konflikt med kodar som gjeld i samfunnet generelt?
• Er det nokon karakterar i serien som representerer ein annan type kulturell kapital enn den GT har?
• Kva fortel episoden oss om makt, status og klasseskilje?
• Kven er det som definerer kva som blir sett på som lågkultur og kva som blir sett på som høgkultur? Korleis ser karakterane i serien Rådebank på seg sjølve og dei kulturelle kodane sine, trur de?
• Kor nyttig synest de omgrepet kulturell kapital har vore i arbeidet med å forstå karakterane og tematikken i Rådebank?