Kroppen er laga for å vere i rørsle. Ved å vere i regelmessig aktivitet held vi oss i form og reduserer risikoen for å få sjukdommar og skadar. Det finst mange ulike aktivitetar du kan drive med. I dette emnet har vi samla idrett, dans og andre aktivitetar.

Yoga er ei gammal treningsform, som har røter heilt tilbake til India for tusenvis av år sida. I yoga trenar du fysiske og koordinative eigenskapar som styrke, rørsleevne, balanse og rytme, i tillegg til psykiske eigenskapar som konsentrasjon og fokus.