Oppgave
Ekte og autentisk – det er det vi vil ha!
Ein ny trend viser at dagens forbrukarar jaktar på og vil ha det autentiske. Kva vil det seie, eigentleg?
Bilete: Svein Nordrum / CC BY-NC-SA 4.0
Euromonitor har kartlagt forbrukartrendane i 2019, og kartlegginga viser at forbrukarar i dag søkjer det ekte og autentiske. I desse oppgåvene ser vi nærare på kva dette eigentleg vil seie.
Oppgåve 1 – i klassa
Diskuter kva det vil seie å søkje det ekte og autentiske. Kvifor trur de dette er ein trend blant dagens forbrukarar?
Oppgåve 2 – i små grupper
- Gå saman i små grupper og ta med dykk mobiltelefonen på tur i nærmiljøet.
- Ta bilete av ting de synest er ekte og autentiske på heimstaden dykkar. Det kan vere mat, kultur, natur eller andre ting. Etterpå skal de lage ein fotoreportasje/kollasj som får fram det autentiske i nærmiljøet.
Oppgåve 3 – i klassa
- Når de er tilbake i klassa, kan de saman velje ut dei beste bileta. Deretter set de dei saman til ein kollasj som marknadsfører heimstaden dykkar.
- Ta gjerne med eit bilete av klassa dykkar òg, og send kollasjen som vedlegg på ei melding til NDLA sal, service og reiseliv på Facebook.
- Vi legg kollasjen ut i biletalbumet på Facebook-sida vår. Slik får vi ein presentasjon av alle flotte stader i Noreg som har flinke elevar på sal, service og reiseliv!
Relatert innhald
Fagstoff
Analyse av forbrukartrendarKorleis kan trendar i forbrukarmarknaden vise kva som blir populært eller ikkje over tid?