Fakta
yrkesnemning: kokk med fagbrev
utdanning: restaurant- og matfag vg1, kokk- og servitørfag vg2,
kokkfag vg3 (opplæring i bedrift i to år)eventuell vidareutdanning: meisterutdanning, fagskule, generell studiekompetanse, høgskule, universitet
Kva gjer ein kokk?
I tillegg til å lage nydeleg mat må du kunne mykje om planlegging, innkjøp, lagring, berekraftig produksjon, kvalitetssikring, presentasjon og økonomi.
Du må òg kunne kommunisere med kollegaer og gjestar for å sikre at maten du lagar, fører til at gjestane trivst og ønsker å oppleve kokekunstane dine igjen.
Sentrale arbeidsoppgåver
- planlegge rettar og menyar med utgangspunkt i ønska og behova til gjestane
- lage mat til ulike høve
- nytte ulike typar råvarer og tillagingsmetodar
- planlegge innkjøp og berekne prisar
- legge opp og presentere mat
- reinhald og produksjonshygiene
Ein dyktig kokk
er glad i å lage mat
er kreativ og har estetisk sans
jobbar godt under press
har gode kommunikasjonsevner og jobbar godt i team
har god personleg hygiene
er serviceorientert
følger med på trendar og utvikling i faget
Kvar kan eg jobbe?
Som ferdigutdanna kokk vil du kunne jobbe med mat på ei rekke ulike stader. Du kan til dømes jobbe på restaurantar, kafear og hotell, i kantiner og dessutan innan skipsfart og offshore.
Relatert innhald
Nettside hos vilbli.no
Nettside hos vilbli.no