Som arbeidstakar har du rett til å melde deg inn i ei fagforeining. Fagforeiningar er gjerne del av ein større fagorganisasjon, og for å vere medlem må du betale kontingent. Nokre fagforeiningar stiller krav om ei spesifikk utdanning for å kunne melde seg inn, andre har medlemmar frå ulike yrke.
Som arbeidstakar har du ein rett, men inga plikt, til å vere medlem av ei fagforeining. Det finst fleire ulike fagforeiningar du kan bli medlem av. Derfor er det viktig at du set deg inn i kva dei ulike organisasjonane tilbyr medlemmane sine, før du melder deg inn.
Oppgåver
- Vel deg eit yrke innan programområdet ditt. Kva fagforeiningar kan du bli medlem av som fagarbeidar innan dette yrket?
- Kva fagforeining organiserer flest fagarbeidarar innan det yrket du har valt?
- Finn ut meir om fagforeninga i svaret på oppgåve 2. Kva kan denne fagforeininga tilby medlemmane sine?
- Drøft argument for og imot å vere medlem av ei fagforeining.
CC BY-SASkrive av Vigdis Haugan.
Sist fagleg oppdatert 04.06.2020