Praktisk oppgåve: varmestyring
Ein kunde ønsker tilbod på ei komplett løysing for oppvarming av ei stove på 40 kvadratmeter. Stova skal totalrenoverast. Det er fire vindauge i stova, og takhøgda er 3 meter. Kunden ønsker parkettgolv og er open for både golvvarme, smarte panelomnar og varmepumpeløysing.
Her står du fritt til å foreslå ei løysing, men du bør kunne grunngi vala dine overfor kunden. Både pris, kvalitet og omsyn til klima og miljø (energiforbruk) vil vere relevante argument her.
- Foreslå ei løysing for kunden, og planlegg kva du treng av materiell, utstyr og verktøy.
- Lag installasjonsteikning og koplingsskjema.
Gjer ei risikovurdering for arbeidet.
Relatert innhald
Vi tek her for oss dei mest brukte elektriske varmekjeldene i ein bustad. Bruksområde, installasjon og verkemåte blir omtalt.
Kople opp installasjonen din slik du har planlagt han. Pass på at du monterer installasjonen fagmessig og følger normer og forskrifter. Dei viktigaste momenta her er å feste k-røyr, veggboksar og takboksar forskriftsmessig, å skru godt til i alle koplingar og å sjekke at koplingane er varige og solide. Sjå eigne instruksjonsvideoar om dette.
Relatert innhald
I ein skjult installasjon blir det brukt litt anna materiell enn i ein open installasjon. Brytarar og stikkontaktar blir felte inn i veggane.
Installasjonen skal vere sikker både for brukaren og for den som arbeider med han. Gjennomfør sluttkontroll og funksjonstest av anlegget ditt.
Relatert innhald
Når vi gjennomfører ei kontinuitetsmåling, måler vi motstanden frå fordeling til alle jordingspunkt.
Utarbeid komplett anleggsdokumentasjon der du får med desse punkta:
- kursforteikning
- installasjonsteikning
- koplingsskjema
- dokumentasjon av kabel og vern
- materialliste
- samsvarserklæring